قصيدة((( مــــــــــــــــــــــلاك )))باللهجة العراقية الشعبيةمع تصميمي الفلاشي
 فقط الانتظار قليلا كي يعمل التصميم
امس بالليل كضيت القلم
ردت اكتبلك قصـــــــــيده بيه حب وبيه هم
بيه اشواقي ومحبتي بيه صرخاتي ودمعتــي
بيه گلبي وكل كيـــــــــاني ردت اشكيلك الم
وحركت عيوني حسرتي ونزلت دموعي بورقتي
كله اه وكله دم !!!
ومن مسحته خربت الورقه بدموعي
والغريبة كونت كلمه احبك چنه خطاها القلـــم ؟؟
اي نعم
هيه كلماتي احبك
من كيـــاني
من دمعتــي
من دمائـــي
كله تكتبلك نغم
ومن ردت اكتبلك انه طلع گلبي وطار عني
راح يم حبي لمكانه
وهسه گلبي يمشي وي الريــــــــــــــــــــــح يرسل
يرسل الحان وقصـــــايد .. بيه انه ردت اعايد
ومن وصل يم باب حبي
ضل يباوع ؟؟؟
گتله احجي
احجي عني
تعبتني
يالله ادخل
لاتضل ساكت تتاني
وبلغه عني
گله احبك ؟؟
وصدفه بالباب انفتح
ولنه گلبي جته رجفه ؟؟
.. وانگطعت اخباره وسكت؟؟
لااشارة ولانبض
جتني عصرة وردت امـــــــــــــــــوت
گتله احجي راح اموت ..
گلي اسكت موت خليني انه
هذه صورة من الملاك هذه من تطلع هلاك ؟؟
شنو هذي منين طلعت يمكن الدنيه انتهت !!!!؟
مو بشر صدگني كتلك موحقيقه ولاخيـــــال
والغريبه الشمس من شافته لبدت
واستحت وبكل سرعه شردت
وماكو داعي الشمس تطلع
لانه گدامي الشمس والنور من عدهه يضَوي
هيه ايه من الجمال
وانه احجـــــــــــــــي وهوة يحجي
شماله گلبي اتبره منــي
حقه عمي شمايسوي لان شاف الملاك
حقه عمي شما يسوي لان گدامه ملاك
بقلمـــــــــي
سراج
|
|
ليست هناك تعليقات:
إرسال تعليق